Plenchi di Trabou

Plenchi di Trabou ta e lokèt pa trabou, desaroyo di talento i servisio na dunadó di trabou na Boneiru. Hende ku ta buska trabou, dunadónan di trabou i empleadonan por akudí serka nos pa informashon, konseho i sosten riba tereno di trabou i merkado laboral.

Dentro di Plenchi di Trabou, Entidat Públiko Boneiru i Reino ta traha huntu pa logra un merkado laboral fuerte, inklusivo i resiliente pa futuro. 

Bo ta buskando trabou?
Plenchi di Trabou ta duna sosten na habitantenan pa haña un trabou adekuá i pa fortifiká nan posishon riba merkado laboral. Huntu nos ta wak kua ta e posibilidatnan ku ta konektá ku bo talentonan, bo eksperensia i bo ambishonnan.

Banda di mediashon laboral nos ta ofresé sosten riba tereno di formashon, kapasitashon, desaroyo di karera i partisipashon. Tambe nos por duna konseho tokante posibilidatnan di estudio. 

Wak nos vakaturanan, registrá online òf traha un sita pa un kòmbersashon di atmishon. 

Bo ta buskando trahadó? 
Plenchi di Trabou ta duna sosten na dunadónan di trabou pa haña kandidatonan adekuá i ta yuda nan pensa tokante problemátikanan di merkado laboral, posibilidatnan di estudio i empleabilidat duradero di empleadonan.

Nos ta komprometé nos mes pa un konekshon entre demanda i oferta riba merkado laboral i nos ta traha huntu ku dunadónan di trabou riba desaroyo di talento lokal.

Wak e posibilidatnan riba nos wèpsait òf tuma kontakto ku nos pa un kòmbersashon personal.