Yu ku a nase sin bida

Bo yu a nase sin bida? E ora ei bo por hasi un deklarashon na entidat públiko di Boneiru. Ku esaki bo ta laga konfirmá ku bo yu a bini na mundu. No ta importá kon largu e embaraso a dura.

Kiko e produkto òf servisio aki ta nifiká?

Kiko bo mester tene bon kuenta kuné?

E deklarashon ta importante pa laga traha un akta ofisial. Na un embaraso di 24 siman òf mas bo mester hasi un deklarashon promé ku bo por dera òf krema bo yu.

Bo yu a nase sin bida despues di un embaraso di 24 siman òf mas? E ora ei bo mester hasi deklarashon na departamento di Registro Sivil.

Bo embaraso a dura ménos ku 24 siman? E ora ei bo por hasi un deklarashon, pero esaki no ta obligá.

E departamento di Registro Sivil ta traha un akta di nasementu (sin bida). Esaki ta un prueba ofisial ku bo yu a bini na mundu. Ta registrá e akta akí den e registro di fayesimentu i no den e registro di nasementu.

Bo yu a fayesé korto tempu despues di nasementu? E ora ei bo ta hasi un deklarashon di nasementu promé. Despues bo ta hasi un deklarashon di fayesimentu tambe.

Si bo ke, bo por laga inskribí bo yu den e atministrashon básiko di dato personal na Registro Sivil. Esaki no ta obligatorio i por ainda despues tambe. E registro akí no ta tuma lugá outomátikamente.

Ki ora bo por pidi esaki?

E siguiente personanan por hasi un deklarashon:

e tata;
e mama;
un trahadó di hospital;
un direktor funerario;
un otro persona ku sa di e fayesimentu.

Kon bo por pidi esaki?

E agensia funerario por hasi e deklarashon online pa bo.

Bo tambe por hasi deklarashon.

Asina bo ta hasi deklarashon:

Bo ta bai na e departamento di Registro Sivil.
Bo ta hiba:
- Bo prueba di identidat bálido
- E deklarashon di dòkter di e fayesimentu di bo yu

Asina bo ta registrá bo yu den e atministrashon básiko di Registro Sivil:

Bo ta bai na e departamento di Registro Sivil
Bo ta hiba:
- Bo prueba di identidat bálido
- Si bo tin esaki: e akta di nasementu (sin bida)

Ku ken bo por tuma kontakto?

Registro Sivil
Adrès: Kaya Neerlandia 40
Telefòn: (+599) 715 5330
E-mail: info@bonairegov.com

Orario di servisio
Djaluna te ku djaweps: 08:00 - 15:00 or
Djabièrnè: será

Kuantu tempu e ta tuma?

Bo yu a nase sin bida despues di un embaraso di 24 siman òf mas? E ora ei por dera òf krema te despues di e deklarashon.
Bo no por dera òf krema un persona promé ku 36 ora òf despues di 6 dia di trabou despues ku el a fayesé.

E término akí no ta konta pa un embaraso mas kòrtiku ku 24 siman.

Kuantu e ta kosta?

Hasi deklarashon ta grátis.

Ki lei i regla ta konta aki?

Unda bo por haña mas informashon?

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.