Tene dato personal sekreto

Bo datonan personal ta registrá den e atministrashon básiko di Registro Sivil.
Esaki ta datonan manera bo nòmber, adrès i fecha di nasementu.
Bo por pidi pa mantené e datonan akí sekreto.
Bo por revoká e petishon aki despues tambe.

Kiko e produkto òf servisio aki ta nifiká?

Kiko bo mester tene bon kuenta kuné?

Ounke bo datonan ta konfidensial, den sierto kaso gobièrnu ta haña bo datonan tòg.
Esaki ta pasa solamente si lei ta obligá esaki.

Tene dato personal sekreto ta nifiká ku Registro Sivil no ta kompartí bo datonan ku otro persona òf organisashon. Esaki ta bo derecho.
Registro Sivil mester aprobá semper bo petishon pa mantené bo datonan sekreto.

Registro Sivil no ta duna bo datonan nunka na:

partikularnan
empresanan

Registro Sivil no ta duna bo datonan na:

asosiashonnan, manera klupnan di deporte òf músika
fundashonnan ku un tarea sosial

Registro Sivil ta duna bo dato sí na:

polis
hustisia
Servisio di impuesto CN

Otro instansianan gubernamental por haña bo datonan tambe si lei ta stipulá esaki.
E minister ta determiná kua dato esakinan ta.

Ki ora bo por pidi esaki?

Bo por pidi pa mantené bo datonan konfidensial si:

bo ta inskribí na Registro Sivil na Boneiru.

Kon bo por pidi esaki?

Asina bo ta pidi pa mantené bo datonan personal sekreto òf pa revoká e petishon:

Bo ta bai Registro Sivil;
Òf bo ta manda un e-mail;
Òf bo ta manda un karta

Despues di esaki, Registro Sivil lo registrá bo datonan komo sekreto.
Bo ke stòp esaki despues? E ora ei bo por informá Registro Sivil na mes manera.

Ku ken bo por tuma kontakto?

Departamento di Asuntunan Sivil
Adrès: Kaya Neerlandia 40
Telefòn: (+599) 715 5330
E-mail: info@bonairegov.com

Orario di servisio:
Djaluna te ku djaweps: 08:00 - 15:00 or
Djabièrnè: será

Kuantu tempu e ta tuma?

Registro Sivil ta prosesá bo petishon mas lihé ku ta posibel.
No tin un periodo di desishon fiho.

Kuantu e ta kosta?

Pidi pa mantené bo dato personal konfidensial ta grátis.

Bo no ta di akuerdo ku e desishon?

Un organisashon ku segun lei por pidi bo datonan a hasi petishon pa bo datonan, miéntras ku esakinan ta marká komo sekreto? E ora ei bo lo risibí un karta tokante esaki promé.

Despues di esaki bo tin 4 siman pa entregá un oposishon.
Durante e periodo aki no lo suministrá bo datonan.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.