Registrá fayesimentu

Bo no por dera òf krema e defuntu promé ku 36 ora òf despues di 6 dia di trabou ku el a fayesé. Bo ke dera òf krema e persona ku a fayesé mas promé? Den e kaso ei bo tin mester di pèrmit di fiskal i di gezaghebber. Bo ke dera òf krema e persona ku a fayesé mas despues? E ora ei bo tin mester solamente pèrmit di gezaghebber.

Konseho: E agensia funerario ta hasi e areglo na nòmber di e famianan di e defuntu. Si e famianan ke hasi esaki nan mes, e ora ei nan mester tuma e siguiente stapnan.

Asina bo ta hasi deklarashon di fayesimentu:

• Bo tin mester di e siguiente datonan:
  • bo dokumento di identidat bálido un deklarashon A i un deklarashon B pa Ofisina Sentral di Estadístika (CBS);
  • den kaso di un morto natural: un deklarashon di fayesimentu entregá pa un dòkter òf dòkter forénsiko;
  • den kaso di un morto innatural: un deklarashon di no oposishon pa kremashon/entiero, entregá pa fiskal;
  • si mester posponé un kremashon òf entiero: un deklarashon di no oposishon entregá pa un dòkter;
  • si mester hasi outopsia: pèrmit pa outopsia entregá pa gezaghèber
  • eventual e buki di matrimonio pa registrá e fayesimentu aden

Hasi e deklarashon promé ku e entiero òf kremashon tuma lugá.

Duna deklarashon di un fayesimentu ta grátis. Un pèrmit pa entiero despues di 36 ora ta kosta $9,78.

Un kopia di e akta di fayesimentu ta kosta $11,17.
Por pidí esaki via e wèpsait di entidat públiko Boneiru.

Transporte di kadaver pa eksterior ta kosta $47,49.