![[Translate to Papiamentu:]](/fileadmin/user_upload/paper_folder.jpg "[Translate to Papiamentu:]")
Registro sivil ta registrá susesonan importante den bo bida. Tin biaha bo mester di un prueba ofisial di esaki. E prueba akí yama un kopia di registro sivil òf un ekstrakto di Registro Sivil.
Kiko e produkto òf servisio aki ta nifiká?
Semper bo ta pidi un kopia òf un ekstrakto na entidat públiko Boneiru kaminda a traha e dokumentu ofisial (e akta). Bai ku un dokumento di identidat bálido.
Riba e dokumento tin un seyo i firma di e funshonario di registro sivil.
Bo por pidi un kopia òf un ekstrakto di:
- nasementu
- matrimonio
- divorsio
- fayesimentu
- registro di union
Diferensia entre un ekstrakto i un kopia
- Un ekstrakto ta kontené solamente e dato mas importante i aktual for di e akta.
- Un kopia di registro sivil ta un kopia kompleto di henter e akta, inkluyendo seyo i firma.
Estrakto Multilingual
Bo ke usa un estrakto di registro sivil den eksterior? E ora ei bo por pidi un estrakto multilingual na Registro Sivil. E dokumento tin tekstonan fiho den diferente idioma. Asina un organisashon den eksterior por lesa i komprondé e datonan bon.
Ki ora bo por pidi esaki?
- Bo ta e persona riba e akta, òf bo tin un apoderado òf bo tin un interes hustifiká.
- Bo ta mustra un dokumento di identidat bálido.
Kon bo por pidi esaki?
Asina bo ta pidi un kopia òf un estrakto for di registro sivil:
- Bo ta bai na departamento di Registro Sivil. Òf bo ta traha un sita online.
- Bo ta hiba un dokumento di identidat bálido.
- Si bo ta pidi e kopia òf estrakto pa un otro persona, bai tambe ku un karta di outorisashon i un kopia di e dokumento di identidat di e persona ei.
Ku ken bo por tuma kontakto?
Departamento di Registro Sivil
Adrès: Kaya Neerlandia 40
Telefòn: (+599) 715 5330
E-mail: info@bonairegov.com
Orario di servisio:
Djaluna te ku djaweps: 08:00 – 15:00 or
Djabièrnè: será
Kuantu tempu e ta tuma?
Si bo ta pidi e kopia òf estrakto personalmente, mayoria biaha bo ta risibí esaki mesora.
Kuantu e ta kosta?
Un kopia di registro sivil ta kosta $11,20.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
