Dia 24 i 25 di aprel 2026 Entidat Públiko Boneiru ta partisipá na e feria di karera (De Nationale Carrièrebeurs) den RAI na Amsterdam. Durante e evento akí Entidat Públiko Boneiru ta bai den kòmbersashon ku studiante i profeshonal ku ta biba na Hulanda i ku ke yuda Boneiru krese ku nan konosementu i eksperensia.
Entidat Públiko Boneiru ta presente ku un oferta amplio di vakatura, ku ta varia di funshon di maneho te ròl ehekutivo. Bishitantenan ta haña oportunidat pa tende mas tokante traha i biba na Boneiru i pa drenta direktamente den kontakto ku empleadonan di nos organisashon.
‘Traha na Entidat Públiko Boneiru ta nifiká ku berdaderamente bo por nifiká algu pa Boneiru. Bo ta kontribuí na nos organisashon i bo ta mira resultado di bo trabou bèk den komunidat. Nos ta habri pa bai den kòmbersashon ku profeshonalnan ku ta kla pa e paso akí,’ segun Roxanne Francees, hefe di departamento interino di departamento di Personal i Organisashon.
Ku e partisipashon akí Entidat Públiko Boneiru ta enfoká riba atraé profeshonal ku ke kontribuí na Boneiru. Di e manera akí, huntu nos ta hasi e diferensia na nos isla.
#AmiTaTrahaPaBoneiru
