Ku orguyo, nos ta anunsiá ku Weganan Interinsular 2025 ta tuma lugá riba 14 i 15 di mart 2025, ku Kòrsou komo promé pais anfitrion. E evento di deporte akí ta reuní hóben atleta den un ambiente di kompetensia i amistat. E delegashon di Boneiru, bou di guia di Indebon, a biaha pa Kòrsou djaweps 13 di mart pa prepará nan mes pa e kompetensianan emoshonante. Boneiru ta hunga kontra Kòrsou i Aruba den e deportenan futbòl pa mucha muhé, aquathlon i dam. Esaki lo ta un eksperensia spesial pa nos hóbennan talentoso!
Despues di kompetensia na Kòrsou, Aruba lo ta e siguiente pais anfitrion riba 28 i 29 di mart 2025. E delegashon di Boneiru lo sali dia 27 di mart 2025 pa Aruba pa forma parti di e kompetensianan. Na Aruba lo tin e deportenan vòlibòl, dam i basket.
Un final di hopi emoshon na Boneiru
Weganan Interinsular 2025 lo finalisá na nos propio isla! Dia 11 i 12 di aprel 2025, Boneiru lo duna bon biní na e kompetensia i lo kompetí di nobo kontra Aruba i Kòrsou. Na Boneiru lo tin e kompetensianan den e deportenan basket VO (Edukashon Sekundario), atletismo i trèfbal pa mucha muhé. Esaki ta e último opotunidat pa nos atletanan demonstrá nan talento i nan prestashon deportivó!
Éksito pa nos hóbennan deportista!
Nos ta deseá hopi éksito i bendishon pa nos hóbennan atleta, disfrutá di e kompetensianan i duna lo mihó di boso. Pasa bon i traha amistat nobo!
Laga nos ta orguyoso di nos deportistanan! Boneiru, nos ta konta riba boso!
