E edishon di Weganan Interinsular ku hopi hende tabata spera, lo bolbe tuma lugá na 2025, ku un programa espektakular ku ta uni e islanan ABC pa medio di deporte i amistat. Esaki ta e di tres aña konsekutivo ku IBiSA (Aruba), Indebon (Boneiru) i FDDK (Kòrsou) ta organisá e evento akí, ku ta sirbi komo plataforma pa atleta hóben por bria den diferente disiplina.
Weganan Interinsular ta mas ku un evento di deporte. E ta un plataforma pa interkambio kultural, desaroyo di talento i fortifikashon di laso entre e islanan. Grásias na koperashon i sosten di organisashonnan lokal i internashonal, atleta hóben ta haña inspirashon pa saka e mihó di loke nan tin aden, tantu durante komo despues di kompetensia deportivo.
Programa di Deporte i Fechanan
Kòrsou: 13–16 di mart
- Futbòl Hende Muhe (VO)
- Dama (Hòmber i Muhe FO/VO)
- Aquathlon (Hòmber i Muhe FO/VO)
Aruba: 27–30 di mart
- Vòlibòl Hòmber (FO)
- Basketbòl 3x3 Hòmber (FO)
- Checkers (Hòmber i Muhe FO/VO)
Boneiru: 10–13 di aprel
- Atletismo (Hòmber i Muhe FO/VO)
- Dodgeball Hende Muhe (FO)
- Basketbòl Hòmber (VO)
Primisia: Kompetensia di Basketbòl Hòmber VO pa skol
Pa promé biaha den hopi aña lo tin un kompetensia eskolar di Basketbòl Hòmber VO, ku ta inkluí tim di e islanan ABC i SSS. E inisiativa akí ta parti di e esfuersonan di NBB (Federashon Hulandes di Basketbòl) pa sigui desaroyá e deporte akí na e islanan ABC i SSS. E evento akí ta kuadra ku un proyekto mas amplio di NBB ku ta enfoká pa fortalesé e deporte i duna mas oportunidat na talento hóben pa sigui krese.
Resúmen di Programa
Djaweps : Yegada di delegashonnan, seshon di treinen i seremonia di apertura
Djabièrnè i djasabra: Kompetensia
Djasabra anochi: Seremonia di klousura
Djadumingu: Delaster aktividat i salida
Informashon di Kontakto
Pa mas informashon tokante Weganan Interinsular 2025, e programa, òf tim ku ta partisipá, por tuma kontakto ku:
- Indebon (Boneiru): Nafthali D Rier, tell: 777 2252
Ban selebrá deporte, talento i amistat huntu durante Weganan Interinsular 2025!
