For di djaluna 15 di novèmber 2021, maksimalmente 25 persona por ta presente na enkuentronan privá den un espasio paden. Pa enkuentronan privá parti pafó, e máksimo ta keda 50 persona. Esei gezaghèber Edison Rijna disidí. Meta di e medidanan ta pa kombatí kontagio den espasio paden manera na kas, na skol òf na trabou. Último simannan, hopi persona a kontagiá na e lugánan akí. E reglanan mester prevení ku e vírùs ta plama fásilmente i ku tin muchu karga riba kuido.
Pa enkuentronan profeshonal ku mas ku 50 hende, organisadónan mester hasi un petishon i entregá un plan di akshon. Por hasi esaki online na www.bonairegov.com .Promé mester a hasi esaki pa enkuentronan ku 100 persona òf mas. Bishitantenan na un enkuentro di riesgo haltu, por ehèmpel ku baile i kanto, mester mustra ku e QR-code nan prueba di bakunashon òf resultado negativo di tèst. Departamento di Supervishon i Mantenshon di lei ta konsehá tokante esaki despues ku a entregá e petishon.
Sitionan di trabou mester ta mas seif posibel, trahadónan mester por tene distansia di 1,5 meter for di otro. Konseho ta tambe pa laga airu fresku sirkulá mas tantu posibel na un sitio di trabou. Te asina leu ku ta posibel ta konsehá pa laga trahadónan traha pa un parti na kas.
Ta keda importante pa mas tantu posibel tur hende tene distansia di 1,5 meter. Tambe ta konsehá siudadanonan pa ora di enkuentro hasi esaki mas tantu posibel den aire liber.
