Turista por pasa angua kontra corona despues di un estadia di dos luna

Bishitantenan ku bini Boneiru por pasa nan promé angua kontra corona despues di un estadia di dos luna.

Kralendijk - Bishitantenan ku bini Boneiru por pasa nan promé angua kontra corona despues di un estadia di dos luna. Minimalmente tres siman despues di e promé angua nan mester ta na nos isla ainda pa pasa e di dos angua. Esaki departamento di Salubridat Públiko a partisipá despues di un mensahe tokante e tópiko aki di ministerio di Salubridat Públiko, Bienestar i Deporte. Intenshon di e medida ta pa kombatí e asina yamá turismo di bakunashon. A base di un stèmpel den pasport ta kontrolá si un bishitante tin dos luna na Boneiru kaba.

Na Boneiru habitantenan di 18 aña bai ariba ku ta inskribí na nos isla por pasa angua kontra corona. Boneiru tin en total 18.944 habitante fiho i temporal di 18 aña bai ariba. Segun un balotashon reimu e kantidat di habitante temporal ta 1.500 hende. Te ku awor 70% di e 18.944 habitantenan a pasa e promé angua kontra corona.

Pa habitantenan te ainda ta posibel pa pasa e promé angua kontra corona sin sita na Kompleho Deportivo Jorge Nicolaas. Esaki por for di djaluna te ku djabièrnè di 09:00 – 11:30 or i di 13:30 – 17:30 or.