E tim di kombatimentu di desaster huntu ku BIA lo simulá un kaida di avión. E treinen di desaster riba eskala grandi ta tuma lugá na Bonaire International Airport djamars mainta 12 di aprel 2022.
Pa medio di simulashon di kaida di un avion na Donkey Beach, e tim di kombatimentu di desaster ke trein e aserkamentu di krísis den práktika. Durante e treinen tin desaroyo di huma na Donkey Beach.
Ta sera EEG Boulevard pa tur tráfiko entre 09.00 or i 12.00 or di mainta. E seramentu di kaminda ta for di Marriott Hotel te na e krusada ku Kaya I.R. Randolph Statius van Eps. E úniko ruta di desviashon pa bai Playa ta via Kaya I.R. Randolph Statius van Eps i Kaminda Sorobon.
Entre 09.30 or i 11.30 or di mainta BIA ta será temporalmente pa públiko. Relashoná ku e treinen e departamento di komunikashon di Entidat Públiko Boneiru ta será entre 09.00 or i 12.00 or di mainta.
Durante e treinen ta hasi uso tambe di ambulans pa transporte di e hendenan ku ta figurá komo herido. Mas aleu Kuerpo Polisial Hulanda Karibense (KPCN), Koninklijke Marechaussee (Kmar) i Kuerpo di Bombero Hulanda Karibense (BKCN) lo ta visibelmente presente.
Prensa ku ke ta presente na e treinen akí por registrá pa esei te mas tardá 11 di aprel 2022 pa 13.00 or di mèrdia via monica.goodijk@bonairegov.com.
Cuijpers Consultancy ta organisá e treinen riba enkargo di Entidat Públiko Boneiru. Tur aña e tim di desaster di Entidat Públiko Boneiru ta organisá un treinen di desaster riba eskala grandi pa ta bon prepará den kaso di un eventual kalamidat.
