Pa tene e unidat bon prepará i kla pa aktua, e di 48 kompania di ehérsito, stashoná na Kòrsou, ta bai ehekutá un ehersisio militar na Boneiru. E ehersisio akí ta tuma lugá for di djárason 9 di aprel te ku djárason 16 di aprel 2025.
Meta di e ehersisio
E ehersisio tin komo meta pa familiarisá e unidat ku e bisindarionan na Boneiru i pa fortifiká e kolaborashon ku outoridatnan lokal i servisionan di emergensia. Di un manera realístiko hasi ehersisio den e konteksto boneriano, e unidat ta keda bon prepará pa tareanan pa kua por hasi uso di dje den área karibense.
Enbolbimentu sosial
Banda di aktividat di ehersisio militar, e unidat lo okupá nan mes tambe ku metanan sosial na nos isla. Por ehèmpel nan ta bai hasi sierto trabounan di sosten na bienestar di komunidat boneriano.
Uso di fasilidatnan lokal
E unidat ta hasi uso di infrastruktura i tereno di e klup di scouting di Rincon komo sitio pa kampamentu. E aktividatnan di ehersisio ta tuma lugá na sitionan konosí di ehersisio na nos isla. Adelantá ta informá tur militar ampliamente, i nan ta tene kuenta ku eksperensianan for di ehersisionan anterior, pa asina minimalisá molèster pa nos habitantenan.
Bishita di kortesia i kontakto
Komandante di e unidat, teniente koronel Kjell Koster, i sargento mayor Joost van Heijningen, persona di kontakto na nòmber di e kuartel general, promé ku e ehersisio lo hasi un bishita di kortesia serka outoridatnan lokal. Por aserká nan pa eventual pregunta òf mas detaye tokante e ehersisio.
