Riba djabièrnè 18 di sèptèmber a kuminsá ku trabounan pa organisá área no asfaltá di sitio di stashoná na Plenchi Brion. E trabounan aki ta pa trese un distribushon mas kla i efisiente di e espasio disponibel, pa por usa e área di stashoná di un forma optimal i sigur. E sitio lo keda di diabaas, pero lo marka aproksimadamente 60 sitio di stashoná den un forma duradero.
E trabou lo tuma lugá di djabièrnè 18 di sèptèmber te ku djadumingu 20 di sèptèmber.
- Djabièrnè 18 di sèptèmber for di 3or di atardi ta inisiá e trabou i marka e sitio;
- Djasabra 19 di sèptèmber lo tin trabounan durante henter dia;
- Djadumingu 20 di sèptèmber, trabou durante henter dia, segun espektativa lo finalisá pa atardi.
Durante e trabounan por tin limitashon den aksesibilidat di e plenchi, pa esaki ta pidi usuarionan sigui indikashonnan di tráfiko den e área.
Ku planifikashon efisiente di e espasio disponibel, lo ta mas visibel kon mester usa e área. Lo tin un distinshon entre espasio pa stashoná i kaminda pa kana. Na e manera aki, tur hende por usa e plenchi na un manera sigur, ordená i efisiente.
Ku e trabounan akí, Direktorado di Supervishon i Mantenshon di Lei (Directie Toezicht en Handhaving) i Direktorado di Planifikashon i Desaroyo (Directie Ruimte en Ontwikkeling) di Entidat Públiko Boneiru ta tuma sigiente paso konkreto den mehorashon kontinuo di espasio públiko den sentro di siudat.
