E trabounan pa drecha diferente kaya na Boneiru ta sigui. Esaki komo parti di e proyekto piloto di mantenshon struktural di kaya. Direktorado di Planifikashon i Desaroyo di Entidat Públiko Boneiru ta ehekutando e proyekto di rekonstrukshon di kaya segun e plan pa aña 2022.
Den bario Mamparia Kutu ku ta konektá ku Nieuw Amsterdam a kuminsá ku trabou di pone klenku. E trabou akí, si tur kos kana bon, lo tin un durashon di kuater siman. Entidat Públiko Boneiru ta pidi habitantenan di e bario pa tene kuenta ku e trabounan akí.
