Awe e tim di krísis di Entidat Públiko Boneiru ta partisipá na e ehersisio anual Caribe Wave. Esaki ta un ehersisio grandi di tsunami den área karibense i e regionnan rònt di esaki.
Durante e ehersisio e tim di krísis di Entidat Públiko Boneiru paso pa paso ta elaborá un situashon di tsunami. Pa esaki e tim ta hasi uso di informashon for di e kanalnan ofisial di atvertensia. Ku e ehersisio akí e tim di krísis ta trein pa ta mas bon posibel prepará pa un posibel tsunami.
Ta importante pa habitantenan i bishitantenan tambe sa kiko nan mester hasi ora tin menasa di un tsunami. Pa e motibu akí Entidat Públiko Boneiru ta duna e siguiente konsehonan:
- Bai na un parti mas haltu di nos isla.
- Si bo no logra hasi esaki, bai na un parti mas paden di nos isla, leu for di kosta.
- Keda einan te ora outoridatnan lokal bisa ku e situashon ta seif atrobe.
Un bon preparashon ta importante i por yuda pa mantené hende seif
