Tèst obligatorio pa tur biahero pa Aruba

For di 4 di ougùstùs 2021 tur biahero for di Boneiru pa Aruba ta obligá pa hasi un tèst di PCR.  For di e fecha ei Boneiru ta ofisialmente un pais di riesgo haltu pa Aruba. Biaheronan for di Boneiru por hasi e tèst di PCR promé ku salida òf na yegada na Aruba. Biaheronan for di Aruba ku ta bini Boneiru i ku ta kompletamente bakuná por lo pronto no ta obligá pa hasi e tèst di PCR.

Habitantenan di Boneiru i Kòrsou ku ta kompletamente bakuná por lo pronto por biaha ku nan prueba di bakunashon entre e dos islanan akí sin un tèst di PCR. For di 3 di ougùstùs 2021 Kòrsou a pone Boneiru riba e lista di pais di riesgo haltu. Habitantenan di Boneiru ku ta kompletamente bakuná te ainda por biaha pa Kòrsou sin tèst di PCR. Aunke ku nos isla ta un pais di riesgo haltu pa Kòrsou.

Aruba a pone no solamente Boneiru, pero Kòrsou tambe riba e lista di pais ku riesgo haltu pa motibu di e kantidat di kontagio na e islanan akí. Esaki ta nifiká ku no tin bùbel mas entre e tres islanan ABC. Den e bùbel akí habitantenan di e islanan ABC por a biaha ku nan prueba di bakunashon sin un tèst di PCR entre e tres islanan akí. Na e momentu akí solamente entre Boneiru i Kòrsou tin un bùbel.