Un nochi inspirativo ku 53 nominado i un apresio speshal pa un baluarte di Boneiru
Djasabra nochi 19 di sèptèmber 2026, a tuma lugá e edishon festivo di Streanan Deportivo 2026. Durante e evento aki Indebon den koperashon ku Fundashon Wega di Number Boneiru (FWNB), a duna homenahe na atleta- i coachnan ku a sobresalí den e aña deportivo ku a pasa.
E edishon 2026 di Streanan Deportivo tabata un nochi inspirativo yen di orguyo, apresio i solidaridat. Diputado Silberie huntu ku señora Anna-Marie Mercera di FWNB a entregá premio na 53 persona, inkluyendo coach, atleta señòr i atleta djuniòr ku a sobresalí den 2025.
Terrence De Jongh, hefe di Indebon a duna un spich di homenahe na Constantino “Patun” Saragoza. Patun tabata un atleta i entrenadó i alabes un baluarte grandi den nos komunidat di Boneiru. Patun a partisipá na Weganan Olímpiko di 1992 i 1996 pa windsurf.
Ku e nochi festivo i di gala aki, Indebon i FWNB ta ekspresá nan gradisimentu grandi na tur atleta i coach di deporte. Esaki ta konta tambe pa esnan ku físikamente no por tabata presente. Nan dedikashon i perseveransia ta forma e forsa tras di kresementu di deporte na Boneiru.
