Entrante 14 di ougùstùs 2023 sr Marlon Richardson ta e direktor nobo di Supervishon i Mantenshon di Lei di Entidat Públiko Boneiru. E nombrashon akí ta fortifiká Entidat Públiko Boneiru ku un direktor ku eksperensia riba tereno di ‘people management’, maneho di kambio di mantenshon di lei.
Sr Marlon Richardson, kende a nase na Boneiru a traha durante 12 aña komo rishèrshi den kuerpo polisial di Boneiru i mas ku 22 aña na MCB NV na Boneiru. Banda di esaki sr Marlon Richardson a finalisá diferente estudio riba tereno di maneho i mantenshon di lei.
Komo direktor di Supervishon i Mantenshon di Lei, sr Marlon Richardson lo aportá tambe na optimalisashon di e proseso di supervishon di mantenshon di lei. Esaki pa mehorá supervishon riba kumplimentu ku lei i regla, duna konseho tokante determinashon di prioridatnan di mantenshon di lei i tuma medida den kaso ku kumplimentu ta insufisiente. Sr Marlon Richardson ta optimalisá e maneho di mantenshon di lei a base di un ekilibrio entre gobièrnu, suidadanonan i empresanan ku bista pa preservashon di loke ta hasi Boneiru úniko.
Sr. Marlon Richardson direktor nobo di supervishon i mantenshon di lei tokante 14 di ougùstùs 2023
Kompartí riba
