Pa sirbi habitantenan mihó durante e periodo di fakansi, Registro Sivil a organisá orario èkstra di apertura i sita adishonal pa petishon di pasport i sédula.
E areglonan adishonal akí ta destiná pa habitantenan ku mester biaha riba un término kòrtiku òf ku mester di un dokumento di biahe urgentemente pa motibu médiko. Pa bin na remarke pa esaki, mester entregá un pasashi òf un deklarashon di dòkter.
Habitantenan ku ta kere ku nan ta kualifiká pa un sita urgente por tuma kontakto ku e Sentro di Kontakto ku Kliente (KCC) via telefòn òf chat via 715 5330.
E sitanan adishonal ku ta ofresé ta riba:
• djasabra, 27 di yüni 2026
• djaweps, 2 di yüli 2026
• djasabra, 4 di yüli 2026
E kantidat di lugá disponibel ta limitá. Ta programá sitanan segun òrdu di registrashon i disponibilidat. Registro Sivil ta komprendé ku e nesesidat pa sita ta altu aktualmente i mientrastantu ta sigui traha riba medidanan pa keda mehorá e dunamentu di servisio i baha e tempu di espera.
Pa petishonnan regular, servisionan ta proveé eksklusivamente ku sita. No ta duna servisio sin un sita. Ta pidi habitantenan pa usa e módulo di sita riba wèpsait di Entidat Públiko Boneiru pa esaki via https://bonairegov.com/pa/habitante/dokumentonan-di-identifikashon.
