Entidat públiko Boneiru tin un sistema ahustá pa prosesamentu di faktura. Ku e kambio akí entidat públiko Boneiru ke mehorá e kontròl atministrativo i sòru pa paga faktura na un manera korekto i mas rápido.
Kiko ta kambia?
For di awe lo siguiente ta na vigor:
- Mester manda tur faktura na afdfin@bonairegov.com.
- Por inkluí e dunadó di tarea den cc.
- Ta prosesá faktura di riba $250 solamente si a menshoná e ‘verplichting’ riba e faktura òf ku a añadí esaki komo anekso.
- Pa suministradó nobo òf ora tin kambio den dato, mester hasi uso di e formulario di ‘Crediteurenbeheer – Maneho di Kreditor’.
No ta tuma faktura sin ‘verplichting’ den tratamentu.
No ta tuma faktura ku no ta kumpli ku e reglanan akí den tratamentu. Solamente faktura ku a keda entregá na un manera kompleto i korekto, ta bini na remarke pa pago.
Meta: paga tur faktura dentro di 30 dia
Ku e sistema nobo di traha akí, entidat públiko Boneiru ke logra ku ta prosesá i paga faktura dentro di 30 dia. Esaki ta sòru pa mas klaridat i transparensia pa suministradónan i partnernan.
Huntu nos ta sòru pa profeshonalidat
Entidat públiko Boneiru ta pidi koperashon di tur suministradó. Pa medio di huntu sigui e palabrashonnan nobo, nos ta traha riba un sistema di prosesamentu di faktura ku ta profeshonal, konfiabel i transparente.
