Selebrashon Dia Internashonal di Museo

E aña akí e dia ta den signo di ‘Museo pa edukashon i investigashon”. Representantenan di diferente museo lokal, partnernan di kadena i wéspetnan ta bini huntu riba djasabra 18 di mei 2024 den un enkuentro privá na Mangazina di Rei. Nan ta tene presentashon pa otro. Servisio di Kultura, Arte i Literatura SKAL, ta felisitá guia i personal di tur museo lokal riba Dia Internashonal di Museo. SKAL ta gradisí nan tambe pa nan aporte spesial na konservashon di nos kultura lokal.