Reunion entre Konseho Insular, Kolegio Ehekutivo i Grefir

Resientemente tabatin un enkuentro kaminda empleadonan di ofisina di e diputadonan a partisipá den un sekshon informativo serka grefir insular. Durante e enkuentro aki e grefir a splika kon nan prosesonan ta kana miéntras e empleadonan di ofisina di e diputadonan tambe a duna splikashon kon e prosesonan ta kana serka nan. Tambe a elaborá riba e diferensia entre e dos órganonan, esta Konseho Insular i Kolegio Ehekutivo. E parti sentral ta ku kada un den nan ròl ta sirbi pueblo di e manera mas efisiente posibel. Pa por logra un resultado positivo konhuntamente a palabrá di kua manera por yuda otro pa yega na un mihó entendimentu i konsekuentemente un mihó kolaborashon.