E selebrashon di ‘Pride’ ku e siman akí pa promé biaha ta tuma lugá na nos isla tin komo meta pa krea konsiensia i selebrá diversidat. Un komunidat harmonioso ta sumamente importante. Esaki ta kana man den man ku e rèspèt ku nos tin pa otro. Komo gezaghèber mi ke enfatisá i hasi un yamada na tur hende pa respetá otro i tambe e normanan i balornan di nos komunidat, pa medio di no mustra komportashon provokante públikamente. Laga kada hende den su balor, di manera ku nos ta visibel komo e Boneiru modesto i pasífiko.
E deklarashon akí di gezaghèber ta en konekshon ku e insidente ku hisamentu inapropiá di bandera riba rotònde di Kaya Internashonal durante e wikènt tras di lomba. Den konsulta ku òrden i mantenshon di lei, ta spera ku mediante e mensahe akí e selebrashon di ‘Pride’ lo kana trankil e siman akí i ku lo no tin otro insidente.
