Registrá online pa tèst antigéniko na aeropuerto di Boneiru

Pasaheronan ku mester hasi e tèst antigéniko por registrá online pa hasi e tèst na yegada na aeropuerto.

Kralendijk - Pasaheronan ku mester hasi e tèst antigéniko pa nan biahe pa Boneiru, por registrá online pa hasi e tèst na yegada na aeropuerto. Biaheronan por registrá riba www.bonairesafetravel.org. Dentro di poko tin un app tambe ku biaheronan por usa pa hasi petishon pa e tèst antigéniko.

For di 1 di yüni 2021 pasaheronan por hasi e tèst antigéniko na yegada na Flamingo Airport. Esaki ta atraktivo pa por ehèmpel pasaheronan hulandes i merikano. Ta konsiderá Hulanda i Merka komo pais di riesgo hopi haltu. Tur biahero for di pais di riesgo haltu ku no a laga hasi un tèst di PCR/NAAT 24 ora promé ku salida, mester hasi e tèst antigéniko na yegada na Boneiru. Pa pasaheronan for di Merka tabata difísil pa hasi e tèst antigéniko dentro di e tempu stipulá promé ku salida pa Boneiru.

For di 1 di yüni 2021 buelo direkto for di Merka ta posibel atrobe. Djasabra e promé dos buelonan for di Merka ta yega. Hestia i BonLab ta traha huntu pa tèst pasaheronan ku ta yega na aeropuerto. Siman pasá djabièrnè e dos kompanianan a hasi un prueba eksitoso na Marriott Hotel. E dos kompanianan ta verwagt di tèst 250 pasahero den mei ora.