Awa di bebe fresku, friu i grátis awor ta optenibel na mas sitio na Boneiru. GGD Boneiru (anteriormente Departamentu di Salubridat Públiko) den kolaborashon ku Indebon a laga instalá diferente punto nobo di awa di bebe na skol i kanchanan deportivo rònt di e isla.
E puntonan di awa aki ta hasié mas fásil pa skohe pa bebe awa na tur okashon. Sea bo ta na skol, hasiendo deporte òf riba kaminda. Dor di literalmente trese awa mas serka, ta bira mas fásil pa desaroyá e kustumber saludabel aki. E puntonan di awa aki ta parti di e aserkamentu amplio yamá: Bon Salú di GGD, dirigí na enkurashá un estilo di bida saludabel bou di residentenan.
Unda bo por haña e kranchinan nobo?
Sitionan deportivo: Rudy Boezem, Elion Flores, Stadion di Playa, tereno di beisbòl di AMA.
Skolnan: Kolegio San Luis Beltran, Skol Amplio Papa Cornes, De Pelikaan, Kolegio Rayo di Solo, Kolegio Strea Briante, Kolegio San Bernardo, Kolegio Emmy Schermer, Aquamarin, Kolegio Kristu Bon Wardador.
Tur kranchi lo ta proveé ku un pintura di muraya úniko ku ta hasi nan visibel i rekonosibel. E puntonan di awa aki ta den liña ku e meta pa krea un isla resiliente y saludabel. Hasi awa aksesibel ta un paso práktiko i simbóliko: e ta para pa kuido, sostenibilidat i tuma e nesesidatnan básiko di kada residente na serio.Un suministro di awa di bebe seif ta importante pa habitantenan i bishitantenan di Boneiru.
Bo ke mèldu un mal funshonamentu di un punto di awa? Simplemente informá esaki via bonsaluggd@bonairegov.com.
