Durante e simannan tras di lomba Ofisina di Sekretario Insular a eliminá e retraso ku tabatin ku publikashon di diferente desishon di e Kolegionan Ehekutivo anterior i aktual. E retrasonan akí tabata bai bèk te meimei di aña 2023.
Awor e página ‘Desishon ofisial’ di e wèpsait di Entidat Públiko Boneiru www.bonairegov.com ta aktualisá i e desishonnan ta visibel riba e página na papiamentu i e página na hulandes. E desishonnan públiko / desishonnan di Kolegio Ehekutivo i e Proklamashonnan ta kompletamente aktualisá. Awor akí e desishonnan di paraf ta aktualisá te ku siman 46 di 2023. Den e tempu binidero ta sigui traha riba esaki.
Kolegio Ehekutivo ta keda traha kontinuamente pa por publiká e desishonnan na tempu konforme regulashon. Den kolaborashon ku Ofisina di Sekretario Insular ta sigui traha riba un proseso di optimalisashon pa garantisá esaki.
