Durante e próksimo lunanan, direktorado di Planifikashon i Desaroyo (R&O) lo kuminsá ku diferente trabou grandi di infrastruktura den sentro di siudat. Riba 6 di yüli 2026 a hasi desvelo ofisial di bòrchi di informashon pa marka e inisio di e siguiente fase di e proyekto i pa mantené komunidat informá.
Ku e trabounan akí, no solamente lo rekonstruí kaya, sino tambe lo mehorá e sistema di desagwe. Ademas lo drecha asera pa peatonnan i planta palu i mata pa krea un sentro ku ta mas fresku i agradabel.
Lo kuminsá ku Kaya Princes Marie promé. E otro kayanan lo sigui den fase despues. E kayanan ku ta bai drecha ta:
- Kaya Grandi – Fase 3
- Kaya Princes Marie (E proyekto ta kubri henter e área, inkluyendo e kayanan konektá na dje)
Minimalisando molèster
Komo ku e trabounan ta tuma lugá den sentro di siudat, no por evitá ku lo tin algun molèster temporal. Pa e motibu akí, ehukushon ta tuma lugá den diferente fase pa minimisá e molester riba tráfiko, bishitante i negoshi mas tantu ku ta posibel. Lo hasi uzo di bòrchi di desviashon pa indiká esaki.
Trahando na progreso
Direktor interino Ligwino Leito ta pone énfasis riba importansia di e proyekto akí:
"Ku e proyekto akí nos ta sigui invertí den un Boneiru ku kamindanan sigur, un sistema di desagwe moderno i un Playa mas bèrdè ku ta benefisiá henter nos komunidat. Nos ta gradisí tur hende pa nan pasenshi durante e periodo di trabou. Huntu nos ta trahando na progreso.”
