Kolegio Ehekutivo a disidí ku empleadonan di Entidat Públiko Boneiru ta haña oportunidat awe for di 15.00 or pa sigui e wega di Kopa Mundial entre Kòrsou i Kosta di Marfil te kaminda ta permití pa hasi esaki.
Bali i otro servisio esensial ta keda disponibel segun e orario di servisio regular.
Entidat Públiko Boneiru ta deseá e selekshon di Kòrsou hopi éksito durante e wega kontra Kosta di Marfil i ta biba ku e Blue Wave.
