Riba djabièrnè 12 di yüni 2026 Plenchi di Trabou ta organisá Youth Job Fair 2026 na Biblioteka Públiko Boneiru. Hóbennan entre 15 i 21 aña por sera konosí ku diferente organisashon, profeshon i posibilidat riba merkado laboral di Boneiru.
Durante e feria akí hóbennan por topa ku diferente dunadó di trabou i organisashon, siña mas tokante un variedat di profeshon i haña mas konosementu di e posibilidatnan ku tin na Boneiru.
Entidat Públiko Boneiru tambe ta presente na stènt 30 na e piso ariba. Empleadonan di Entidat Públiko Boneiru ta para kla pa sera konosí ku bo, kontestá bo preguntanan i huntu tira un bista riba e posibilidatnan den e organisashon. Entidat Públiko Boneiru ta ofresé entre otro vakansi djòp pagá di mas òf ménos seis siman, kaminda hóbennan por haña eksperensia di trabou i desaroyá nan talentonan.
Youth Job Fair ta tuma lugá for di 09.00 te 17.00 or na Biblioteka Públiko Boneiru. Entrada ta grátis.
Nos ta invitá tur hóben di 15 te 21 aña pa pasa un ratu, deskubrí posibilidat nobo i pone un paso den direkshon di nan futuro.
