EPB huntu ku KTK ke hasi industria marítimo na Boneiru mas fuerte

Pa logra esaki KTK a lanta Kompania di Tou Bonaire (KTB).

Entidat Públiko Boneiru ta bai hasi uso di toubot di Kompania di Tou Kòrsou (KTK) pa sòru pa tráfiko marítimo kana bon. Pa esaki Entidat Públiko Boneiru a sera un akuerdo di koperashon, un asina yama Memorandum òf understanding, ku KTK. A palabrá pa wak kon strukturalmente por stashoná un toubot di KTK den haf di Boneiru. Pa logra esaki KTK a lanta Kompania di Tou Bonaire (KTB).

Ta un reto pa tin un toubot den haf di Boneiru. Sigur mirando ku awor akí tin tiki nabegashon pa motibu di restrikshonnan di Covid. Tambe a para aktividatnan di Bopec. Esaki tambe a sòru ku tin ménos tráfiko marítimo na Boneiru.

Tòg servisio di haf di Entidat Públiko Boneiru ta haña ku ta nesesario pa speshal awor akí tin un toubot mará den haf. Nos isla ta kresiendo i den un periodo ku ménos nabegashon ta un bon momentu pa turesten kuminsá ku esaki. Antisipando riba un periodo drùk di nabegashon den futuro.

E akuerdo mester kondusí na un situashon kaminda tin mas kontakto entre Boneiru i Kòrsou riba tereno marítimo. KTB lo traha riba un plan empresarial den kua e koperashon entre OLB i KTB ta reflehá i tambe e pagamentu bèk di impuesto riba importashon. Esaki pasobra ekonomia di tur dos isla ta dependé di nabegashon. Koperashon ta na interes di Boneiru i Kòrsou. E soño final ta pa tin un industria di haf fuerte na Boneiru ku oportunidat di trabou pa tur hende ku tin eksperensia riba tereno marítimo.