Den kuadro di e plan di fakansi di Buki di Prèt, Ofisina di Haf i Tourism Corporation Bonaire (TCB) siman pasá a organisá un paseo spesial. E muchanan di e plan di fakansi tabatin mag di hasi un bishita eksklusivo riba e barku krusero impreshonante Carnival Celebration, ku a mara den haf di Kralendijk.
Durante e rekorido e partisipantenan a haña un bista úniko tras di kòrtina di e barku. Nan a siña mas tokante kon tur kos ta funshoná na bordo, e tripulashon internashonal i e diferente fasilidatnan ku ta trese turismo krusero Boneiru.
Ku e inisiativa akí Ofisina di Haf i TCB ke inspirá nos hóbennan i laga nan sera konosí ku e mundu di turismo i nabegashon. E bishita a sòru pa hopi kara kontentu i hopi inspirashon nobo.
“Ta importante pa nos hóbennan mira kua ta e oportunidatnan den e sektor marítimo,” segun e Kapitan di Haf. “Ken sa ku den e muchanan akí tin kualke futuro kapitan, guia òf kapitan di haf di Boneiru.”
