E kurso di kòmpiuter ‘Klek i Taip: e base’ a ranka sali dia 3 di òktober 2022 bou di guia di Biblioteka Públiko Boneiru. Ta trata di un kurso piloto kaminda ta sera konosí ku kòmpiuter. E partisipantenan na e kurso ta kliente di Zorg en Welzijn Groep Bonaire. Studiantenan di ICT na MBO ta ofresé e kurso i esaki ta organisá den koperashon ku e grupo di trabou Digitalisashon di Entidat Públiko Boneiru.
Durante e kurso di kòmpiuter ta trein e abilidatnan básiko pa kòmpiuter. Nan ta trata vários pregunta manera ‘Kon mi ta sende un kòmpiuter? Kon mi por taip? Kon mi ta manda un email?’. E kurso ta konsistí di en total sinku enkuentro. Di e forma akí e partisipantenan na e kurso ta hasi pasonan chikitu, kaminda ta sera konosí mas aleu ku kòmpiuter. Aki por pensa riba riba akshonnan manera sende kòmpiuter, siña taip i traha ku e ‘muis’. Nan ta trein tambe ku trahamentu di un sita riba www.bonairegov.com. E partisipantenan mas avansá ta trein tambe ku manda email i usa internèt na un manera seif.
For di aña pasá Entidat Públiko Boneiru ta digitalisando su trabounan. Esaki por ta fastioso pa habitantenan di Boneiru ku ta digitalmente ménos ábil. Esaki pasobra digitalisashon tin influensia riba funshonamentu diario di tur hende i desaroyonan ta bai hopi lihé. Entidat Públiko Boneiru ta tene kuenta ku esaki den su proseso di digitalisashon pa medio di den forma kontinuo ofresé informashon i treinen na komunidat. Mas lat den e aña akí ta bai kuminsá ku un di dos kurso básiko. Bo tambe ke siña e pasonan básiko akí? E ora ei bo ta bon biní pa registrá ora ta asina leu. Pa mas informashon tokante e posibilidatnan bo por tuma kontakto ku Biblioteka Públiko Boneiru via number di telefòn 715 5344.
