Dia 20 di yanüari 2026 e miembro di Konseho Insular Salma Serberie pa medio di un karta a duna di konosé na presidente di Konseho Insular ku e no ta forma parti mas di e frakshon di Partido Demokrátiko Boneriano (PDB). E ta keda ku su asiento den Konseho Insular. Banda di esaki el a indiká ku e no ta sostené koalishon mas.
Na e momentu aki na Boneiru tin diferente fail urgente ta kanando ku ta importante pa nos komunidat. Pa algun fail a hasi palabrashon ku gobièrnu di Reino. Tin sierto trayektonan tambe ku deadline fiho ku mester kumpli kuné pa evita retraso.
Debí na e desaroyonan polítiko resien, na e momentu akí no ta evidente kiko ta e konsekuensianan pa gobièrnu. Den esaki Konseho Insular tin un responsabilidat importante.
Pa e motibu akí gezaghèber a supliká Konseho Insular pa, na interes di habitantenan di Boneiru, mas rápido posibel sòru pa stabilidat i kontinuidat di gobernashon. Esaki ta nesesario pa sòru ku por sigui tuma desishonnan importante i ku por kontinuá ku e kasonan ku ta andando.
