Realisashon di e edifisio nobo pa Skol Básiko De Pelikaan ta práktikamente kla. Ku aprobashon definitivo di e plannan di konstrukshon i e finansiamentu ku a keda kompletamente kla, e proyekto ta kla pa drenta den fase di ehekushon. E edifisio nobo lo keda konstruí riba tereno di e anterior Kolegio Papa Cornes. Ta ehekutá e proyekto akí den kolaborashon estrecho ku Fundashon Propiedat Inmóbil Boneiru (FPIB).
Despues di un periodo intensivo di preparashon i kordinashon entre e instansianan envolví, awor tur e kondishonnan nesesario ta na nan lugá. Ku esaki, e proyekto ta pasa di e fase di planifikashon pa e fase di ehekushon. E eskoho pa e tereno di e anterior Kolegio Papa Cornes ta brinda e espasio nesesario i un lokalidat sentral pa por frena e kresementu kontinuo di e kantidat di alumno na Boneiru.
Diputado Silberie ta masha kontentu ku tur e preparashonnan a keda kla i ku e kolaborashon ku FPIB ta hasi realisashon di e edifisio moderno akí posibel. Enfoke riba alohamentu pa enseñansa ta un punta di lansa pa Kolegio Ehekutivo.
Kolaborashon i finansiamentu ta garantisá
Pa medio di uni forsa ku FPIB, kontinuidat i finansiamentu di e konstrukshon ta kompletamente garantisá. Riba término kòrtiku ta bai kuminsá prepará e sitio di konstrukshon riba tereno di e anterior Kolegio Papa Cornes pa e promé trabounan por tuma lugá.
Binida di e edifisio moderno di skol akí ta duna un kontesta direkto na e nesesidat urgente pa kapasidat èkstra di skol i un ambiente di enseñansa moderno ku ta kumpli ku e normanan aktual pa sostenibilidat i kalidat di enseñansa.
