Kon mi ta postulá un hende komo suidadano di honor pa dia di Boneiru? E Suidadania di Honor di gobièrnu anual ta tuma lugá riba Dia di Boneiru. E dia aki ta e oportunidat perfekto pa gradisí nos hendenan pa e trabou ku nan ta hasi pa komunidat. Den esaki méritonan personal i prestashonnan ku un balor speshal pa komunidat ta para sentral.
Kondishonnan
- Suidadania di Honor ta keda otorgá komo muestra mas haltu di apresio, na personanan natural ku pa loke ta konserní nos isla Boneiru a hasi nan mes meritorio na un manera eksepshonal, inovativo i duradero.
- E prestashonnan eksepshonal ku ta pertenesé na un persona, esfuersonan di karakter eksepshonal òf prestashonnan a base di talentonan spesial tin un influensia real riba bienestar, prosperidat i nòmber di Boneiru i ta kubri terenonan gubernamental, sosial, deportivo, kultural, karitativo, ekonómiko òf sientífiko.
- Por otorgá Suidadania di Honor na habitantenan, anterior habitantenan òf no-habitantenan di Boneiru riba kondishon ku nan ta kumpli ku e stipulashonnan formulá den e stipulashonnan menshoná aki riba.
Kon mi ta proponé un hende komo Suidadano di Honor?
Bo ke proponé un hende pa Suidadania di Honor? Yena e formulario di proposishon via www.bonairegov.com/voorstel-ereburger. E formulario di proposishon yená mester ta entregá pa mas tardá 1 di ougùstùs 2023.
Riba e formulario di proposishon bo ta yena e méritonan spesial (òf e prestashon spesial) di e persona enbolbí, inkluso e durashon di tempu di e méritonan aki.
Den kaso ku bo no por entrega e formulario digitaal por entregá esaki na bali di departamentu di SKAL.
Bo por dirigí bo proposishon na departamentu di SKAL, at. Rina Saragoza, Kaya Kachi Craane 34. Departamentu di SKAL lo trata bo proposishon konfidensialmente.
Mas informashon tokante proponementu di un Suidadano di Honor bo por haña serka Seferina Saragoza, via telefon 715-5323, imeil seferina.saragoza@bonairgov.com.
