Kompetensia di poesia i klùrmentu pa Dia di Mama ku akohida despues di skol NSO Twinkel na Biblioteka Públiko Boneiru

Den e tema di Dia di Mama pa e muchanan di akohida despues di skol NSO Twinkel, riba djaweps 11 di mei 2023 nan ta ofresé vários aktividat entre 15:00or i 16:00or na Biblioteka Públiko Boneiru. Lo tin un kompetensia di poesia pa mucha di 8 te 12 aña i e muchanan di 4 te 7 aña tin mag di klùr plachi ku dibuho. For di tur e muchanan ku partisipá ta skohe 2 ganadó. Di e manera akí biblioteka ta yuda fasilitá aktividatnan plasentero ku temanan relevante pa nos muchanan.

Bo ke hasi bo yu tambe miembro di biblioteka? Esei ta posibel! Te ku 18 aña miembresia di biblioteka ta grátis. Sinti bo liber pa pasa na biblioteka na Kaya Gramèl s/n òf yama 715 – 5344.