E kompensashon ta maksimalmente 300 dòler pa kada yu. Mayornan ku tin yu menor di edat ku ta sigui un formashon di MBO, por pidi un kompensashon pa sèn di buki. Studiantenan mayor di edat di MBO mes tin ku pidi e kompensashon. E kompensashon pa studiantenan di MBO ta maksimalmente 400 dòler, esaki ta dependé di e formashon ku e studiante ta sigui.
Por pidi e kompensashon pa artíkulo di skol, ünifòrm di skol òf sèn di buki for di 1 di yüli 2024 te ku 31 di ougùstùs 2024. Mayornan di alumnonan menor di edat di skol básiko òf studiantenan menor di edat di MBO por pidi e kompensashon riba www.bonairegov.com/back2school. Studiantenan mayor di edat di MBO por pidi e kompensashon pa sèn di buki riba www.bonairegov.com/back2school. Personanan ku tin problema pa hasi e petishon digitalmente, por hasi e petishon den luna di yüli i ougùstùs 2024 na Sentro di Bario Amboina, Antriol, Nikiboko, Rincon i Tera Kòrá. Wak riba www.bonairegov.com/back2school pa e bista general. Riba e wèpsait akí tin tambe tur kondishon pa hasi petishon pa e kompensashon.
Bo tin pregunta tokante e petishon pa kompensashon? Bo por yama for di djaluna te ku djaweps, for di 09:00 – 12:00 or i for di 14:00 – 16:00 or na 701 10 55, òf manda un whatsapp. Bo por manda un email tambe na schoolbenodigdheden@bonairegov.com.
