Awe ofisialmente ta pone e promé paso pa e renovashon tan sperá di Parke Tului. Ku e proyekto akí, ku ta konsistí di kuater fase konsekutivo, Boneiru ta komprometé su mes un biaha mas pa krea lugá di hunga seif, atraktivo i duradero pa mucha.
Despues di un periodo di preparashon i koordinashon intensivo ku tur partido enbolbí, nos ta kontentu di por anunsiá ku e trabounan ta bai kuminsá e zomer akí. Durante fakansi grandi e parke ta keda aksesibel pa uso; e kontratista ta usa e tempu akí pa tur preparashon nesesario. Mesora despues di fakansi, ehekushon real ta kuminsá.
Nos ker a ekspresá nos gratitut pa tur partner ku ta yuda hasi e renovashon akí posibel: Entidat Públiko Boneiru (EPB), Ministerio di Salubridat, Bienestar i Deporte (VWS), Jantje Beton, Bodifée Design (diseño) i BonNed (ehekushon). Tambe un danki spesial na Fundashon Parke Tului pa e kolaborashon intensivo i nan esfuerso den realisashon di e plannan akí.
Ku e renovashon akí, nos ke kontribuí na un ambiente seif i ku inspirashon pa mucha i henter bario. Huntu nos ta traha na un futuro sano, sosial i aktivo pa Boneiru.
