Kolegio ehekutivo a tuma akshon mesora despues di keho tokante suministro defisiente di informashon

E diputadonan Jolinda Craane i Hennyson Thielman mesora a enkargá e servisio konserní ku e tarea pa mehorá suministro di informashon. Motibu pa esaki tabata e di tantísimo keho durante reunion di Konseho Insular ku apénas tin interkambio di informashon for di Kolegio Ehekutivo ku Konseho Insular.

Diputado Craane: ‘Konseho Insular tin rason. Di e manera ei nan no por ehersé nan tarea di kontròl. Pa e motibu akí den konsulta ku sekretario insular nos a enkargá e servisio konserní ku e tarea pa dentro di un siman indiká kiko ta nesesario pa pone suministro di informashon na Konseho Insular ku efekto inmediato i strukturalmente na e nivel deseá, kon nos ta bai hasi esei i kiko ta nesesario pa logra esaki.’