A sera akohida pa mucha ku no tabatin pèrmit

E siman akí Entidat Públiko Boneiru a sera un akohida pa mucha na Playa ku efekto inmediato. For di kontròl di Direktorado di Supervishon i Mantenshon di Lei a resultá ku nan a kuminsá ku e akohida pa mucha akí sin e pèrmit obligatorio pa eksplotashon di un akohida pa mucha.

Durante un kontròl a resultá ku e akohida pa mucha tabata habrí kaba, miéntras no a duna un pèrmit ofisial pa esaki. Esaki ta obligatorio segun e Lei di Akohida pa Mucha BES (Wet Kinderopvang BES).

Habri un akohida pa mucha sin pèrmit ta forma un riesgo pa kalidat i siguridat, i pa bienestar di e muchanan. Banda di esaki a konstatá ku resientemente e akohida pa mucha akí a hasi petishon pa un pèrmit di eksplotashon, despues ku ya kaba nan a kuminsá kuné.

Un akohida pa mucha sin pèrmit di eksplotashon no tin derecho riba e kompensashon pa akohida pa mucha.

Mayornan ku tin pregunta por akudí na bali di Direktorado di Komunidat i Kuido òf tuma kontakto ku Jessica Maduro via Jessica.maduro@bonairegov.com òf 777-5503.