Hende di 60 aña bai ariba i hende mas yòn ku 60 aña ku tin malesa manera diabétis i keho di kurason i pulmon, ta haña un karta tokante e angua kontra grip i angua kontra corona e siman akí. Dia 19 i 26 di òktober 2024 e hendenan akí por pasa angua kontra grip òf angua kontra corona òf tur dos for di 10:00 or te 16:00 or na Jong Bonaire. Nan no tin mester di traha sita pa esaki. Hende ku ta biba temporalmente na Boneiru i no por pasa e angua(nan) na nan mes pais, tambe por bai Jong Bonaire. Den siman di 14 di òktober nan ta ofresé e anguanan menshoná na empleadonan den kuido.
Tur hende ku ke pasa e angua(nan) na Jong Bonaire, tin ku bai ku nan sédula òf pasport. Na Jong Bonaire nan por yena un deklarashon di salú promé ku nan pasa angua kontra corona.
Siudadanonan ku no por bai Jong Bonaire dia 19 i 26 di òktober, tin e posibilidat pa for di dia 21 di òktober pasa e angua(nan) serka nan dòkter di kas. Pa un bista general di e dianan i oranan, wak riba www.bonairegov.com/angua. Pashèntnan di Rincon Medical Center por pasa e angua(nan) for di 22 di òktober te ku 18 di novèmber sin sita for di 08:00 or te 11:00 or.
Pa pregunta òf mas informashon, siudadanonan por yama e number grátis 0800 0800.
