Bo ta un kunukero òf piskadó na Boneiru? E ora ei Mesa di Klima Boneiru kordialmente ta invitá bo pa un seshon interaktivo riba djaweps 28 di ougùstùs di 19:00 or pa 21:00 or na Jong Bonaire (Lokal Bida Master).
Mesa di Klima Boneiru (2024-2026) ta un inisiativa di Entidat Públiko Boneiru i bou di guia di Nolly Oleana nan ta traha riba un plan di klima pa Boneiru. Pa formulá e plan di klima, nan ta tene kòmbersashon ku diferente grupo, manera organisashonnan, empresanan, habitantenan di bario i hóbennan tokante nan preokupashonnan i vishonnan. Nan ta dokumentá tur kòmbersashon i e kòmbersashonnan akí ta forma e base pa e plan final.
Dia 28 di ougùstùs e grupo di proyekto ta organisá un seshon spesial pa kunukero i piskadó.
Durante e seshon akí gustosamente nos ke tende tokante bo eksperensianan ku kambio di klima na nos isla i bo ideanan tokante kon mester anda ku esaki. Nos lo inkluí bo fitbèk den desaroyo di e plan di klima. Esaki ta bo oportunidat pa laga skucha bo bos!
Nos ta spera di mira bo dia 28 di ougùstùs! Por fabor, bin ku bo selular. Nos ta sòru pa algu di kome i bebe.
Laga nos sa si bo ke ta presente na e seshon akí via rocca.chin-on@bonairegov.com òf 770 6975. Bo por kompartí e invitashon akí ku otro kunukeronan i piskadónan na nos isla tambe.
