Kiko 'Waddeneilanden' tin komun ku e islanan karibense BES? Ku e pregunta akí e delegashon komo konekshon riba e kongreso di Asosiashon di Munisipionan Hulandes (VNG) a biaha pa Waddeneilanden. Kiko ta e similitutnan i diferensianan, kon nos por siña di otro i ku kiko nos por fortifiká otro?
'Waddeneilanden' ku ta konsistí di e 5 islanan Terschelling, Vlieland, Texel, Ameland i Schiermonnikoog, meskos ku e islanan BES ta islanan den Reino Hulandes. Similitutnan manera skarsedat di bibienda, aksesibilidat, kalidat di bida i siguridat ta preokupashonnan ku nos ta kompartí. Hopi biaha e diferensia ta sinta solamente den e karakterístikanan lokal mas spesífiko, manera e kantidatnan grandi di turista ku ta kore baiskel na Schiermonnikoog kompará ku e turistanan krusero na Boneiru. E arte ta pa respetá i brasa e tipo di diferensianan akí. E delegashon ta wak prinsipalmente e desafionan komun i similar. Desafionan den kua nos por fortifiká otro i siña di otro. Banda di esaki e laso di kolaborashon eksitoso entre e 'Waddeneilanden', kaminda nan ta aktua konhuntamente na momentu di kòmbersá i negoshá ku e ministerionan, ta un ehèmpel di trabou na midí pa e islanan BES.
E delegashon lo hasi uso di e dianan binidero pa sigui traha riba lasonan di kolaborashon mas fuerte i kontinuá ku edifikashon di esakinan. No solamente pa loke ta trata e propio islanan BES, pero tambe entre e islanan BES i 'Waddeneilanden'. Konhuntamente enfrentá e desafionan ku e mesun karakterístikanan pa e islanan i sostené otro na momentu di presentá e desafionan akí na e diferente ministerionan na Den Haag. Nan ta bai papia tokante temanan manera protekshon di kosta, maneho di krísis, kalidat di bida, maneho di idioma i turismo, hasiendo uso di ehèmpelnan di práktika. Loke e islanan tin komun ta kantidat chikitu di habitante, nan ta rondoná pa laman i tur ta haña bishita di turista den un forma intensivo. Tur esakinan ta tópikonan ku e delegashon por kuminsá traha riba nan ku enfoke riba resultado, hasiendo uso di e konosementu i eksperensia ku nan a optené.
Kiko 'Waddeneilanden' tin komun ku e islanan karibense BES? Ku e pregunta akí e delegashon komo konekshon riba e kongreso di Asosiashon di Munisipionan Hulandes (VNG) a biaha pa 'Waddeneilanden'. Kiko ta e similitutnan i diferensianan, kon nos por siña di otro i ku kiko nos por fortifiká otro?
'Waddeneilanden' ku ta konsistí di e 5 islanan Terschelling, Vlieland, Texel, Ameland i Schiermonnikoog, meskos ku e islanan BES ta islanan den Reino Hulandes. Similitutnan manera skarsedat di bibienda, aksesibilidat, kalidat di bida i siguridat ta preokupashonnan ku nos ta kompartí. Hopi biaha e diferensia ta sinta solamente den e karakterístikanan lokal mas spesífiko, manera e kantidatnan grandi di turista ku ta kore baiskel na Schiermonnikoog kompará ku e turistanan krusero na Boneiru. E arte ta pa respetá i brasa e tipo di diferensianan akí. E delegashon ta wak prinsipalmente e desafionan komun i similar. Desafionan den kua nos por fortifiká otro i siña di otro. Banda di esaki e laso di kolaborashon eksitoso entre e 'Waddeneilanden', kaminda nan ta aktua konhuntamente na momentu di kòmbersá i negoshá ku e ministerionan, ta un ehèmpel di trabou na midí pa e islanan BES.
E delegashon lo hasi uso di e dianan binidero pa sigui traha riba lasonan di kolaborashon mas fuerte i kontinuá ku edifikashon di esakinan. No solamente pa loke ta trata e propio islanan BES, pero tambe entre e islanan BES i 'Waddeneilanden'. Konhuntamente enfrentá e desafionan ku e mesun karakterístikanan pa e islanan i sostené otro na momentu di presentá e desafionan akí na e diferente ministerionan na Den Haag. Nan ta bai papia tokante temanan manera protekshon di kosta, maneho di krísis, kalidat di bida, maneho di idioma i turismo, hasiendo uso di ehèmpelnan di práktika. Loke e islanan tin komun ta kantidat chikitu di habitante, nan ta rondoná pa laman i tur ta haña bishita di turista den un forma intensivo. Tur esakinan ta tópikonan ku e delegashon por kuminsá traha riba nan ku enfoke riba resultado, hasiendo uso di e konosementu i eksperensia ku nan a optené.
