Riba djaluna 3 di febrüari 2025, trabounan di mantenshon riba Kaminda di Rincon ta kuminsá. Durante e trabounan akí ta drecha e partinan di kaminda ku ta dañá den fase. E sistema aki ta kontribuí na siguridat di tráfiko i e durabilidat di e kaminda lo ta más largu, i molèster minimal pa usuarionan di e kaminda.
Ta hasi uso di e sekshonnan di reparashon pa den un forma efisiente drecha e partinan di e kaminda ku ta dañá. Durante e trayekto akí ta atendé ku diferente sitio. E promé parti di sekshon di reparashon ta riba Kaminda di Onima, na altura di entrada di Rincon.
E periodo di ehekushon ta kana for di luna di febrüari te luna di yüni 2025. Durante e periodo akí e kaminda ta keda aksesibel pa tur tráfiko. Pa limitá e molèster, ta hasi e trabounan den diferente fase, teniendo kuenta ku dianan di fiesta i eventonan kultural.
Ta pidi usuarionan di e kaminda pa ta èkstra alerta den e zonanan di trabou i pa sigui e instrukshonnan di desviashon, i tambe pa adaptá nan velosidat. Esaki ta di gran importansia pa siguridat di tantu trahadónan komo usuarionan di e kaminda.
Sigui nos via medionan sosial i via di www.bonairegov.com pa tur aktualisashon tokante e desaroyo i e sitionan eksakto di e trabounan.
