Seshon informativo tokante situashon di riolering na Antriol

Entidat Públiko Boneiru huntu ku WEB N.V. a tene un seshon di informashon pa e habitantenan di Kaya Neerlandia i Kaya Den Tera tokante e holó malu ku ta ser okashoná dor di e riolering den e besindario.

Durante di e enkuentro diputado di Desaroyo Ekonómiko Hennyson Thielman i un representante di WEB N.V. tabata presente pa duna e habitantenan splikashon di loke ku nan ta hasiendo pa yega na un solushon pa eliminá e molèster ku e riolering ta kousa. 

Habitantenan di e dos kayanan ariba menshoná pa largu tempu kaba tin keho tokante di e situashon desagradabel aki. Nan a asta akudí serka Defensor di Pueblo pa ekspresá nan malkontentu pa ku e situashon ku nan ta biba aden diariamente.Entidat Públiko Boneiru den koperashon ku WEB N.V. ta asina leu ku nan tin un posibel solushon pa asina pone un fin na e holó malu ku ta ser okashoná dor di e sistema di riolering. Ta e intenshon pa promé ku 15 di desèmber benidero e problema aki ta solushoná. E espektativa ta ku esaki lo yuda pa hasi bida di e habitantenan den besindario di e riolering mas agradabel. 

riolering aangenamer te maken.