Informashon aktual di Covid -19 di siman 11 - 17 di yüli 2022

E vírùs ku ta kousa Covid-19 ketu bai ta plamando rònt Boneiru.  E kantidat di tèstnan di Covid-19 ku a sali positivo den siman di 11 - 17 yüli, ta e kantidat di mas haltu for di mei 2022. Un persona a keda hospitalisá pa motibu di Covid -19.

Ta importante pa tuma e angua kontra corona i esun di buster, pa evitá ku ta bira hopi malu di Covid-19. Tur siman tin posibilidat pa bakuná pòrnada. Riba e wèpsait di Entidat Públiko Boneiru www.bonairegov.com tin un página speshal ku informashon tokante Covid-19. Einan por haña sa e ora i sitio pa por tuma e bakuna.  

Ta importante pa tene bista riba e manera ku Covid-19 ta plama na Boneiru. Asin’ei por tuma medida si ta nesesario  pa protehá esnan mas vulnerabel den nos komunidat. Hasiendo esei ta tene kuido aksesibel pa tur hende. Tur ku tin síntoma por hasi un PCR tèst pòrnada via di departamento di Salubridat Públiko ( basta a hasi un ‘zelftest‘ antigéniko ku a sali positivo promé)

Pa pregunta i pa traha un sita pa tèst yama departamento di Salubridat Públiko 0800-0800.

Por haña un splikashon amplio tokante sifranan di Covid-19 na Boneiru riba e página di wèp: https://bonairegov.com/pa/habitante/informashon-aktual-di-simann-covid-19