Indebon, sekshon di Entidat Públiko Boneiru, den kolaborashon ku Fundashon Wega di Number Boneiru (FWNB) i federashonnan deportivo, ta organisá e di kuater edishon di ‘Bonaire International Sports Week’ (BISW).
‘Bonaire International Sports Week’ (BISW) ta tuma lugá di 13 di mart te 5 di aprel. Mas di 3 siman yená ku deporte, moveshon, talento lokal i un komunidat uní.
Meta di e evento
Ku e evento akí Indebon kier logra ku habitantenan di Boneiru ta move mas, sinti nan mes mas uní ku otro i biba mas salú.=
E programa di ‘Bonaire International Sports Week’ ta ofresé un variedat na aktividat deportivo. Tin torneonan lokal i internashonal i tayernan. E meta ta pa laga mas hende posibel partisipá i demostrá kuantu deporte ta posibel na Boneiru.
E evento ta trese deportistanan huntu i ta demostrá nivel di deporte na Boneiru. Tambe atletanan lokal ta haña oportunidat pa demostrá nan talento.
Variashon di deporte na diferente sitio
Ta tene e aktividatnan deportivo di ‘Bonaire International Sports Week’ riba henter e isla. Tur hende ku ta interesá pa bishitá òf partisipá na e aktividatnan deportivo, por haña mas informashon tokante entre otro orario i sitionan, ora registrá via e lenk https://linktr.ee/indebon
Fortifikashon di relashonnan internashonal
Tambe e evento ta yuda fortalesé e laso entre e isla i paisnan, hasiendo uzo di deporte komo un instrumento pa uni i trese nos komunidatnan serka otro.
