Indebon i FWNB a regalá 2.500 dòler na kuater klup di beisbòl. A hasi esaki pa e klupnan danki pa nan trabou balioso pa hubentut di nos isla. E entrega a tuma lugá dia 21 di yanüari 2025 na Parke Lanlan Clarinda na Nikiboko. E klupnan Stars, The Dreamers, Padres i Wolfpack Foundation a risibí kada un e suma di 2.500 dòler.
Na okashon di e entrega, Terrence de Jongh, hefe di Indebon a splika ku material i ekipo di deporte ta kosta basta sèn. Pa e motibu akí na 2024, a skohe pa duna e 4 klupnan un suma di 1.000 dòler. Preis di hopi kos a subi. I p’esei gobiernu , Indebon, i FWNB a skohe pa duna e aña akí 2.500 dòler na e klupnan. De Jongh a trese dilanti tambe ku 2024 tabata un aña eksitoso pa beisbòl hubenil. E klupnan e presta bon, no solamente na kampeonato lokal pero tambe pafó di Boneiru. Esaki tabata posibel grásias na trabou di coach i tur otro hende ku ta aktivo na e klupnan di beisbòl.
Banda di esaki, De Jongh a anunsiá ku na 2025 tin mas klup deportivo ku ta bai haña un suma di gobièrnu, Indebon i FWNB. Klupnan di futbòl i otro klup deportivo ta risibí esaki mas lat den aña. Representante di e spònsernan tabata presentá na seremonia di entrega di sèn. Timoteo Silberie a representá gobièrnu di Boneiru, miéntras Anne-Marie Mercera tabata presente na nòmber di FWNB. Terrence de Jongh a representá Indebon.
