Relashoná ku e desakreditashon di e bandera ruso ku a pone en konekshon ku Dia di Boneiru, nos ke enfatisá ku e banderanan ta representá tur nashonalidat di habitantenan di Boneiru.
E banderanan ta apart for di polítika di paisnan riba nivel mundial i/òf kestionnan ekonómiko internashonal.
E banderanan ta simbóliko pa formashon huntu di un komunidat, pa ser orguyoso di nos komunidat multikultural i pa rekonosementu di tur habitante di Boneiru i nan prosedensia. Mas aleu ta trata di un akto di enkurashamentu pa tur hende ku ta duna nan aporte na Boneiru i ku ta biba na nos isla.
Huntu nos ta forma un komunidat, segun diputado James Kroon.
