Djaluna 14 di yüli 2025, ta tuma lugá e di tres edishon di SKAL Jam Session den e kurá inspirativo di Museo SKAL. Un evento kreativo, habrí pa músikonan lokal i turistanan ku stima músika, ku e meta pa stimulá interkambio, kolaborashon i inspirashon kultural.
E artista prinsipal di e edishon aki ta “Luis Moka” (Luigino Molina), ganadó di Kanto Krioyo 2024 i ta konosí pa su inovashonnan den músika Krioyo ku su kantikanan ku ta konopá ántes na awor. Na 2022, ela keda skohé pa sirbi komo un embahador di kultura boneriano pa Tourism Corporation Bonaire.
Kiko bo por spera:
- Presentashon musikal di Luis Moka – su estilo, ritmo i vishon pa músika lokal.
- Open jam session – músikonan lokal i turista ta djòin i toka kuarta, tambú, kitara of kualke otro instrumento bou di guia di Luis Moka.
- Partisipashon interaktivo – usa palitu of klap den man i partisipá aktivo pa esunnan ku no ta músiko.
- Registrashon pa músikonan – SKAL lo registrá partisipantenan den nan base di dato kultural pa por kompartí mas informashon kultural pa futuro.
Mirando pa dilanti:
Coach di kultura sr. Segni Bernardina ta deseá pa forma un skol di músiko na Boneiru i organisá kursonan pa hisa e nivel di nos talento lokal, inkluso koperashon ku músikonan for di otro parti(eksterior).
Nota e fecha:
Djaluna 14 di yüli 2025
Ora: 7 PM – 10 PM
Lugá: Kurá di Museo SKAL
Mas informashon:
Pa registrá por hasi esaki via di e lenk riba Facebook di SKAL òf tuma kontakto ku Segni Bernardina, Coach di kultura: +599 796 5677(manda un WhatsApp i e lo manda e lenk pa bo).
Bin jam, siña i krea – Boneiru ta konta ku bo talento!
